Ավինյանը ցուցում է տվել 50 և ավելի աշխատակից ունեցող արտադրական ընկերությունների վերաբերյալ

Այսօր ցուցում եմ տվել համապատասխան գերատեսչություններին 50 և ավելի աշխատակից ունեցող արտադրական ընկերությունների վերաբերյալ: Այս մասին ֆեյսբուքյան էջում գրել է փոխվարչապետ, պարետ Տիգրան Ավինյանը։

«Մասնավորապես.

կազմել սանիտարահամաճարակային կանոնների պահպանման, դրանց խախտման դեպքում հնարավոր վտանգների և աշխատանքների կազմակերպման ուղեցույց։

ներկայացնել աշխատանքը հերթափոխով կազմակերպելու իրավակարգավորումներ։

Բացի այդ, Առողջապահության նախարարությունը կմշակի ու պարետատուն կներկայացնի տրանսպորտային միջոցների ախտահանման վերաբերյալ միասնական ցուցումների փաստաթուղթ»,– գրել է նա: